IMF වාර්තාව ගැන විවාදයකට රජය එකඟයි!

ශ්‍රී ලංකාව සම්බන්ධයෙන් ජාත්‍යන්තර මූල්‍ය අරමුදල නිකුත් කළ වාර්තාව සම්බන්ධයෙන් අප්‍රේල් මස මුල් සතියේ පාර්ලිමේන්තුව රැස්වන අවස්ථාවේදී විවාදයක් පැවැත්වීමට රජය තීරණය කර ඇති බව ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු මහතා පවසයි.

මෙම වාර්තාව සම්බන්ධයෙන් වහාම පාර්ලිමේන්තුවේ විවාදයක් පැවැත්විය යුතු බව හිටපු අග්‍රාමාත්‍ය සහ එක්සත් ජාතික පක්ෂයේ (එජාප) නායක රනිල් වික්‍රමසිංහ මහතා ඉල්ලා සිටියේය.

අප්‍රේල් 05 සහ 08 අතර පාර්ලිමේන්තුව රැස්වන විට ජාත්‍යන්තර මූල්‍ය අරමුදලේ වාර්තාව පිළිබඳ විවාදය සඳහා දිනයක් තීරණය කිරීම සඳහා වහාම පක්ෂ නායක රැස්වීමක් කැඳවන ලෙස විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා කථානායක මහින්ද යාපා අබේවර්ධන මහතා වෙත ලිඛිතව ද ඉල්ලා තිබේ.

Leave a Reply

Your email address will not be published.