රතු පරිප්පු කිලෝවක් රුපියල් 150 ක සහතික කරන ලද මිලකට (සිල්ලර) 2021 වර්ෂය පුරාම දෙන බව වෙළෙඳ ඇමැති ආචාර්ය බන්දුල ගුණවර්ධන පවසයි.

ඇමැතිවරයා මේ බව සදහන් කළේ ඊයේ (12) වෙළෙඳ අමාත්‍යංශයේ පැවති මාධ්‍ය හමුවකදීය.

ඕස්ට්‍රේලියාවේන් ආනයනය කළ මෙම රතු පරිප්පු රජය සහතික කළ එස්.ටී.සී මුද්‍රවක් සහිතව වෙළෙඳපොළ තුළ ජනවාරි මස මුල සිට පාරිභෝගිකයන්ට මිලදී ගත හැකි බවත් විනිමය අනුපාතයේ වෙනසක් නොවන්නේ නම් වර්ෂය පුරාවටම රුපියල් 150ක මිලකට පරිප්පු කිලෝවක් අලෙවි කරන බවත් ඇමතිවරයා සදහන් කළේය.

මෙම වැඩසටහන ශ්‍රී ලංකා රාජ්‍ය වාණිජ (විවිධ.)නිතීගත සංස්ථාව සහ වෙළෙඳ අමාත්‍යංශය එක්ව ක්‍රියාත්මක කරන බවත් මෙම වසර තුළ නවම් මාවතේ පිහිටි එම සංස්ථාවෙන් රතු පරිප්පු මිලදි ගත හැකි බවත් වෙළෙඳ ඇමැතිවරයා පැවසීය.

LEAVE A REPLY

Please enter your comment!
Please enter your name here