ජනපති කල හොඳක් ගැන ඇමති කියයි!

ජනාධිපතිවරයා විසින් ගෙන යන නිවැරදි වැඩපිලිවෙල අගය කරමින් ජනතාවට නිවැරදි තොරතුලැ ලබා දීමට කටයුතු කරන්නැයි තමා මෙරට සියලු මාධ්‍ය ආයතනවලින් ඉල්ලා සිටින බව ග්‍රාමීය නිවාස හා ඉදිකිරීම් සහ ගොඩනැගිලි ද්‍රව්‍ය කර්මාන්ත ප්‍රවර්ධන රාජ්‍ය අමාත්‍ය ඉන්දික අනුරුද්ධ මහතා ප්‍රකාශ කරයි.

ග්‍රාම නිලධාරී වසමකට එක් ග්‍රාමීය කර්මාන්ත ව්‍යවසායකයෙක් බිහි කිරීමේ වැඩසටහන යටතේ දිවුලපිටිය කොට්ඨාශයේ ප්‍රතිලාභීන් 91 දෙනෙක් සඳහා රුපියල් ලක්ෂ 61ක් වටිනා ස්ව්‍යං රැකියා උපකරණ ලබා දීමේ අවස්ථාවකට සහභාගී වෙමින් අමාත්‍යවරයා මේ බව පැවසීය.

එහිදි වැඩිදුරටත් අදහස් පල කල අමාත්‍යවරයා විසින් පෙන්වා දෙනුයේ ජනාධිපතිවරයා විසින් වාහන, කිරිපිටි ආනයනය නතර කර ඉන්ධන ආනයනය සීමා කර ජනතාව ජීවත් කරවීමට පළමු ඉඩ තබා ලෝක සෞඛ්‍ය සංවිධානය සමග මෙරට සෞඛ්‍ය විශේෂඥයින්ගේ උපදෙස් මත කොරෝනා එන්නත් තුන්වන මාත්‍රාවක්ද ලබා දුන් බවයි.

එසේ ජනතාව වෙනුවෙන් ජනාධිපතිවරයා කටයුතු කලද ඇතැම් පුද්ගලයන් “ආණ්ඩුව ෆේල්” යැයි කියන බවත් ඔහු මෙහිදි පැවසීය.

කාබනික වගාව රට තුළ කොපමණ දුරක් යා හැකිද යන කරුණු මෙන්ම කාබනික වගාව සාර්ථවක ක්‍රියාත්මක කරන ගොවි ජනතාව පිලිබඳව මාධ්‍ය හරහා ජනතාවට පෙන්වීමට කටයුතු කරන ලෙසද අමාත්‍යවරයා මෙහිදි මාධ්‍යෙයන් ඉල්ලීමක් කළේය.

 341 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply