කොවිඩ් ආසාදිතයන් 15% – 20% අතර වැඩි වෙලා!

රටේ කොවිඩ්  ආසාදිතයන්ගේ සංඛ්‍යාව සියයට 15ත් 20ත් අතර සංඛ්‍යාවකින් ඉහළ ගොස් ඇතැයි  කොවිඩ් 19 සම්බන්ධීකාරක, සෞඛ්‍ය අමාත්‍යාංශයේ තාක්ෂණ සේවා අධ්‍යක්ෂ වෛද්‍ය අන්වර් හම්දානි මහතා ලංකාදීපයට පැවැසීය.

මේ තත්වය නිසා ජනතාව මේ මොහොතේදී අයුතු ලෙස ඒකරාශීවීමෙන්  වැළකී  බුද්ධිමත්ව  කටයුතු කිරීම වැදගත් බවද හෙතෙම සඳහන් කළේය.

රෝහල්වලට  දැනට ඇතුළත් කරනු ලැබ සිටින රෝගීන් සංඛ්‍යාව  7010 කි.

රෝහල්වල දැනට ඔක්සිජන් මත යැපෙන රෝගීන්  105 ක් සිටින අතර දැඩි සත්කාර ඒකකයන්හි ප්‍රතිකාර ලබන රෝගීන් සංඛ්‍යාව 55 ක් බව හම්දානි මහතා ප්‍රකාශ කළේය.

ඔක්සිජන් මත යැපෙන රෝගීන් සංඛ්‍යාව කොවිඩ්  තෙවැනි රැල්ල අවසානයේ 1038ක් දක්වා ඉහළ ගිය අතර දැඩි සත්කාර ඒකකයන්හි  ප්‍රතිකාර ලැබූ රෝගීන් සංඛ්‍යාව 201 දක්වා ඉහළ  ගියේය.

ඔක්සිජන් මත යැපෙන රෝගීන් සංඛ්‍යාව සහ  දැඩි සත්කාර ඒකකයන්හි  ප්‍රතිකාර ලබන  රෝගින් සංඛ්‍යාව මේ වනවිට  යම් පහළ  මට්ටමක පවත්වාගෙන යෑමට හැකිවී  ඇත්තේ එන්නත්කරණයේ බලපෑම නිසා හෙයින්  එන්නත්කරණයට  වැඩි වැඩියෙන් යොමු  වන්නැයි ජනතාවගෙන් ඉල්ලීමක් කරන බවද  අන්වර් හම්දානි මහතා  ප්‍රකාශ කළේය.

 263 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply