’’රතු නිවේදන තිබියදීත් ඉවත් නොවන අය බලෙන් හෝ ඉවත් කරනවා’’

නායයෑමේ අවදානම් පවතින බවට රතු නිවේදන නිකුත් කර තිබියදීත් ඉන් ඉවත් නොවන පිරිස් බලහත්කාරයෙන් හෝ ඉවත් කිරීමට කටයුතු කරන බව ආපදා කළමණාකරණ මධ්‍යස්ථානයේ අධ්‍යක්ෂ ජනරාල්, මේජර් ජෙනරාල් (විශ්‍රාමික) සුදන්ත රණසිංහ මහතා පැවසීය.

එවැනි පිරිස් ඉවත් කිරීමට දිසාපතිවරුන්ට බලය පවරා ඇතැයි කී අධ්‍යක්‍ෂ ජනරාල්වරයා ජීිවිත ආරක්‍ෂා කරගැනීම වෙනුවෙන් පොලීසිය යොදවා, උසාවි මාර්ගයෙන් බලහත්කාරයෙන් හෝ එය කිරීමට සිදුවෙන බව ද සඳහන් කළේය.

ජනාධිපති ගෝඨාභය රාජපක්‍ෂ මහතා ද මේ සම්බන්ධයෙන් විශේෂ අවධානයක් යොමු කර ඇතැයි ආපදා කළමනාකරණ මධ්‍යස්ථානයේ අධ්‍යක්ෂ ජනරාල්වරයා කීවේය.

ඔහු මේ බව පැවසුවේ රජයේ ප්‍රවෘත්ති දෙපාර්තමේන්තුවේ දී අද (10) පැවති මාධ්‍ය හමුවක් අමතමිනි.

වසංගත හා ආපදා තත්ත්වයක් තිබියදී විනෝද ගමන් යන කණ්ඩායම් ද සිටින බව කී අධ්‍යක්‍ෂ ජනරාල්වරයා ඉකුත් සිකුරාදා නුවරඑළිය දිස්ත්‍රික්කයේ කන්දක් තරණය කරන්න ගිය තරුණ තරුණියන් කණ්ඩායමක් මුදවා ගැනීමට සිදුවූ බවත්, ඔවුන් තමන්ගේ ජීවිත පමණක් නොව මුදවාගැනීමට වන අයගේ ජීවිතත් අවධානමට ලක්කරන බව පැවසීය.

ඉදිරයේදී අනතුරු ඇඟවීම් නොතකා අපරික්ෂාකාරීව කටයුතු කරන එවැනි පිරිස් සම්බන්ධයෙන් නීත්‍යානුකූලව කටයුතු කරන බව ද මේජර් ජනරාල්වරයා සඳහන් කළේය.

 342 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply