“පැනඩෝරාවට‘‘ නම ගිය හැටි අහන්න නඩේෂන් අල්ලස් කොමිසමට!

හිටපු අමාත්‍යවරියක වූ නිරූපමා රාජපක්ෂ මහත්මියගේ සැමියා වන තිරුකුමාර් නිඩේෂන් මහතා, ආන්දෝලනාත්මක පැනඩෝරා සිද්ධිය සම්බන්ධයෙන් ප්‍රකාශයක් ලබා ගැනීම සඳහා අල්ලස් හෝ දූෂණ චෝදනා විමර්ශන කොමිෂන් සභාවට අනිද්දා (08) කැඳවා ඇත.

පැන්ඩෝරා පත්‍රිකා මගින් ශ්‍රී ලංකාව සම්බන්ධයෙන් හෙළිදරව් කර ඇති තොරතුරු සම්බන්ධයෙන් වහාම පරීක්ෂණයක් කරන ලෙසට ජනාධිපති ගෝඨාභය රාජපක්ෂ මහතා අද පෙරවරුවේ කළ දැනුම් දීම මත තිරුකුමාර් නඩේෂන් මහතා කොමිසම හමුවට කැඳවීමට තීරණය කළ බව එම ප්‍රකාශකයා පැවසීය.

පැන්ඩෝරා පත්‍රිකා සිද්ධිය සම්බන්ධයෙන් තමාගේත් බිරිඳගේත් නම සදහන් වී ඇති බවත් ඒ සම්බන්ධයෙන් සොයා බැලීම සඳහා ස්වාධීන පරීක්ෂකවරයකු පත්කරන ලෙසත් සඳහන් කරමින් තිරු කුමාර් නඩේෂන් මහතා අද (06) ජනාධිපතිවරයාට ද ලිපියක් යොමු කර තිබිණී.

ඒ අනුව, තිරු නඩේෂන් මහතා කැඳවා පැන්ඩෝරා පත්‍රිකා සිද්ධියට අදාළ ප්‍රකාශ සටහන් කර ගැනීමට කටයුතු කරන බව අල්ලස් හෝ දූෂණ චෝදනා විමර්ශන කොමිසමේ ප්‍රකාශකයා වැඩිදුරටත්සදහන් කළේය.

ලෝක නායකයින් දේශපාලනඥයින් සහ ප්‍රකෝටිපතියන්ගේ රහස්‍ය ධනය සම්බන්ධයෙන් සහ ඔවුන්ගේ ගනුදෙනු පිළිබදව තොරතුරු රැසක් පැන්ඩෝරා පත්‍රිකා මගින් හෙළිදරව් කර ඇති අතර, හිටපු අමාත්‍යවරියක වූ නිරූපමා රාජපක්ෂ මහත්මියගේ සහ ඇගේ සැමියා වන තිරුකුමාර් නඩේෂන් මහතා සම්බන්ධයෙන් ද තොරතුරු අනාවරණය කර තිබිණී.

හිටපු අමාත්‍යවරියක වූ නිරූපමා රාජපක්ෂ මහත්මිය ඇගේ සැමියා සමඟ එක්ව පිහිටවා ඇති සමාගමක් මගින් ලන්ඩන් සහ සිඩ්නි නගරවල සුඛෝපභෝගී නිවාස මිලදී ගෙන ඇති බවට එම පැන්ඩෝරා පත්‍රිකා මගින් හෙළිදරව් කර ඇත.

 479 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply