යුරෝපා සංගම් නියෝජිතයන්ගෙන් සුබ පණිවුඩයක්!

ශ්‍රී ලංකාවට ඉදිරියේදී ලබා දිය හැකි සහන සම්බන්ධයෙන් ධනාත්මකව කටයුතු කරන බව යුරෝපා සංගමයේ නියෝජිතයෝ පිරිසක් අධිකරණ අමාත්‍ය ජනාධිපති නීතිඥ අලි සබ්රි මහතාට දැනුම් දුන්හ.

එම නියෝජිතයන් ශ්‍රී ලංකාවේ වර්තමාන තත්ත්වය ගැන සෑහීමට පත්වූ බව අධිකරණ අමාත්‍යාංශය පවසයි.

යුරෝපා සංගමය මෙරටට ලබාදෙන ජීඑස්පී ප්ලස් සහනය  ඉදිරියටත්  ලබා දෙන්නේ දැයි කරුණු සොයා බැලීම සඳහා යුරෝපා සංගමයේ නියෝජිතයෝ පිරිසක් අධිකරණ අමාත්‍ය අමාත්‍ය  ජනාධිපති නීතිඥ අලි සබ්රි මහතා අධිකරණ අමාත්‍යංශයේ දී ඊයේ(28) හමුවූහ.

එම සහනය ඉදිරියටත් ලබාදීම තීරණය කිරීම සඳහා  මෙරටේ ප්‍රගතිය සමාලෝචනය කිරීම එම සාකච්ඡාවේ ප්‍රධාන අරමුණ විය.

යුරෝපා සංගමය නියෝජිතයෝ එම සංගමය ශ්‍රී ලංකාව කෙරෙහි දක්වන ආකල්ප ගැන මුලින්ම ප්‍රකාශ කළහ.

එසේම එම නියෝජිතයන් අධිකරණ ක්ෂේත්‍රයේ වර්තමාන ප්‍රගතිය සම්බන්ධයෙන් ඇමැතිවරයාගෙන්  කරුණු විමසූ බව  අධිකරණ අමාත්‍යාංශය පවසයි.

මෙහිදී අධිකරණ ඇමැතිවරයා  අධිකරණ ක්ෂේත්‍රයේ  සිදු කෙරෙන නීති ප්‍රතිසම්පාදනය, අධිකරණ පද්ධතිය ඩිජිටල් කරණය කිරීම, නඩු කටයුතු කඩිනම් විසඳීම සඳහා අවශ්‍ය යටිතල පහසුකම් දියුණු කිරීම මෙන්ම අධිකරණ ශාලා වැඩි දියුණු කිරීම, ඊට සමගාමීව විනිසුරුවන්  සංඛ්‍යාව වැඩි කිරීම ,ව්‍යවස්ථා සංශෝධනය ආදී කරුණු සම්බන්ධයෙන් යුරෝපා සංගම් නියෝජිතයන්ට කරුණු පැහැදිලි කළේය .

යුරෝපා සංගම් නියෝජිතයන් ශ්‍රී ලංකාවේ වර්තමාන තත්ත්වය ගැන සෑහීමට පත්වූ බවත්  සියලු සහන සම්බන්ධයෙන් ධනාත්මක සලකා බලා ඉදිරියේදී  කටයුතු කරන්නේ  යැයි ඔවුන් ඉන් පසු  දැනුම් දුන් බවත්  අමාත්‍යාංශය සඳහන් කරයි.

මෙම අවස්ථාවට අධිකරණ අමාත්‍යාංශයේ ලේකම් නීතිඥ ප්‍රියන්ත මායාදුන්නෙ , අධිකරණ අමාත්‍යවරයාගේ පෞද්ගලික ලේකම් නීතිඥ ජනක රණතුංග  යන මහත්වරුන් ඇතුළු පිරිසක්ද සහභාගිවූහ. 

 623 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply