ගෙදරදීම පොල්තෙල් සිඳින අත්යන්ත්‍රයක්!

 වස විෂ  වලින් තොරව තම නිවස තුළදීම නිවසේ අවශ්‍ය පොල්තෙල් සිඳගන්නා අත් යන්ත්‍රයක් නිෂ්පාදනය කිරීමට දේශීය නව නිපැයුම්කරුවෙකුට  හැකි වී තිබේ.

අනුරාධපුර දිස්ත්රික්කයේ කැකිරාව ගල්කිරියාගම ප්‍රදේශයේ පදිංචි රාජ්‍ය සේවකයකු  වන වයි .එල් . චන්දන  සේනානායක නව නිපැයුම්කරු විසින් මෙම අත්යන්ත්‍ර සුදු යකඩ උපයෝගී කරගෙන නිපදවා තිබේ.

ප්‍රදේශයේ ස්වාමීන් වහන්සේ නමකගේ ඉල්ලීමක් අනුව මෙම පොල්තෙල් සිදින කුඩා අත් යන්ත්‍රය නිපදවා ඇතැයි ඔහු පැවසීය.

 මේ වනවිටත් පුද්ගලයන් 18 දෙනකු පමණ යොදවා ගෙන  නිවස තුළම පොල්තෙල් සිදින කුඩා අත් යන්ත්‍ර වර්ග දෙකක් නිෂ්පාදනය කරමින් සිටිති.

චන්දන සේනානායක මහතා කියා සිටියේ මෙහි එක නිමවුමක් වසර ගණනාවක් නිවසක පාවිච්චි කළ හැකියි අනර්ග තත්වයේ පවතින පොල්තෙල් සිදින අත් යන්ත්‍රයක් රුපියල් 6875 ක  පමණ මුදලකටද  සාමාන්‍ය නිවසක පාවිච්චිය සඳහා නිපදවා ඇති නිමවුමක් රුපියල් 2875 ක මුදක ට   ලබා දීමට තමාට හැකියාව පවතින බව ය.

 සුදු යකඩ සහ අනෙකුත් ද්‍රව්‍ය මිල ගණන් ඉහළ යෑම් මෙන්ම කුඩා  ප්‍රමාණයක් නිෂ්පාදනය කිරීම අමුද්‍රව්‍ය විශාල තොග මිලදී ගැනීමට හැකිනම් මිට වඩා අඩු මුදලකට මේ උපකරණය ජනතාවට ලබාදීමට හැකි බවද  කෙසේ වෙතත් මෙරට නව නිර්මාණකරුවන්ට කිසිදු රජයකින් සාධාරණයක් හෝ උදව් කිරීමක් සිදු නොවන නිසා තම පෞද්ගලික මුදලින් මෙවැනි දේ සිදු කිරීම වියදම් වැඩි වශයෙන් යන බවද පැවැසීය.

රජය නව නිපැයුම්කරුවන්ට උදව් කිරීම සදහා ආයතන ගණනාවක අතිවිශාල මුදලක් වෙන් කොට තබාගෙන සිටියද මෙවැනි දේ සදහා උදව් කරන්නේනම් මෙම කුඩා පොල් තෙල් සිදින යන්ත්‍රය සෑම නිවසකටම ඉතා අඩු මුදලකට ලබා දීමටත් විදේශීය රටවල අවශ්‍යතාවය සඳහා ලබා දීමටත් හැකි බව හෙතෙම සඳහන් කළේය.

 මෙම  නිපැයුම්කරු ගෙන් යත්යන්ත්‍ර ලබාගැනීමට කැමැත්තක්  දක්වන අය වෙතොත් 070  460 13 88  / 0 7 1 28  59 568   / 070  460  13 91 යන අංකවලට ඇමතීය හැකිය.

 610 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply