රෝහල්වල අමාරු ලෙඩ්ඩු අඩුවෙලා!

කොවිඩ් ආසාදනයවී රෝහල් ගතව ප්‍රතිකාර ලබන ඔක්සිජන් අවශ්‍ය කෙරෙන අසාධ්‍ය රෝගීන් සංඛ්‍යාව ක්‍රම ක්‍රමයෙන් පහත බසිමින් ඇතැයි කොවිඩ් 19 සම්බන්ධීකාරක සහ සෞඛ්‍ය අමාත්‍යාංශයේ තාක්ෂණ සේවා අධ්‍යක්ෂ වෛද්‍ය අන්වර් හම්දානි මහතා පැවැසීය.

ඔක්සිජන් අවශ්‍ය කෙරෙන කොවිඩ් රෝගීන් සංඛ්‍යාව අද (1) වනවිට 959ක් දක්වා පහත බැස ඇතැයිද හෙතෙම සඳහන් කළේය.

මුලින්ම එක් දහස් අසූ තුනක් ලෙස පැවතුණු ඔක්සිජන් අවශ්‍ය කෙරෙන රෝගීන් සංඛ්‍යාව ඊයේ (31) වනවිට එක් දහස් දෙකක් දක්වා පහත බැස තිබූ බව පැවසූ හම්දානි මහතා එම සංඛ්‍යාව ඉදිරියේදී තවදුරටත් අඩු වනු ඇතැයි විශ්වාසය පළ කළ හැකි බවද පැවසුවේය.

නිරෝධායන ඇඳිරි නීතිය හේතුවෙන් කොවිඩ් ආසාදිතයන් වාර්තාවීමද ඉදිරි සතිවලදී සැලකිය යුතු ලෙස අඩු වනු ඇතැයි බලාපොරොත්තු විය හැකි බව තාක්ෂණික සේවා අධ්‍යක්ෂවරයා පැවැසීය.

මේ අතර කොවිඩ් රෝගීන්ට ප්‍රතිකාර ලබාදීම සඳහා තවත් මධ්‍යස්ථාන 259ක් අලුතින් පිහිටුවන ලදැයි වෛද්‍ය අන්වර් හම්දානි මහතා පැවැසීය.

කොවිඩ් රෝගීන්ට ප්‍රතිකාර ලබාදීම සඳහා රෝහල් වල මෙතෙක් තිබූ ඇඳන් සංඛ්‍යාව 36,000කි.

එම ඇඳන් සංඛ්‍යාව 39109 ක් දක්වා වැඩි කරගෙන ඇතැයිද හෙතෙම ප්‍රකාශ කළේය .

 952 total views,  15 views today

What’s your Reaction?
+1
1
+1
0
+1
0
+1
0
+1
0
+1
0
+1
0

Leave a Reply