හමුදාපතිගෙන් ජනතාවට හොඳ සහතිකයක්!

නිරෝධායන ඇඳිරි නීතිය ක්‍රියාත්මක වෙන කාලයේදී ජනතාවගේ හැසිරීම සතුටුදායක බවත් ඒ ගැන ජනතාවට ස්තූති ස්තූතිවන්ත වන බවත් කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පවසයි.

මේ අතර ජනතාව අඟල් හයේ මුව ආවරණයෙන් කට නහය ආරක්ෂා කරගත හොත් දිවයිනේ වර්ග කිලෝමීටර් හැට පන් දහස ආරක්ෂා කර ගැනීම දුෂ්කර නැතැයිද හෙතෙම සඳහන් කළේය.

වයස 30ට වැඩි ජනගහනයෙන් සියයට 55 කට කොවිඩ් මර්දන එන්නතේ දෙවැනි මාත්‍රාව ඊයේ (24)වනවිට ලබා දී ඇති බව පැවසූ යුද හමුදාපතිවරයා එය වැදගත් සන්ධිස්ථානයක් බවද පැවසුවේය.

රටේ ජනගහනයෙන් එක්කෝටි විසි ලක්ෂයකට පමණ එන්නතේ දෙවැනි මාත්‍රාවද ලක්ෂ 58 කට දෙවැනි මාත්‍රාවද ලබාදී ඇති බවත් එන්නත් මාත්‍රා දෙකෝටියකට වැඩි සංඛ්‍යාවක් මෙරටට මේ දක්වා ගෙනවිත් ඇති බවත් ශවේන්ද්‍ර සිල්වා මහතා ප්‍රකාශ කළේය.

 1,235 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply