සජිත්ගේ ආශ්‍රිතයන් සොයා මැති සබයේ කැමරා පරීක්ෂා කරයි

සෞඛ්‍ය ආරක්ෂක ක්‍රමවේදවලට අනුගත වන්නැයි කොරෝනා ආසාදිතවූ විපක්ෂ නායක සජිත් ප්‍රේමදාස මහතාට ආශ්‍රිත වූ සියලුම මන්ත්‍රීවරුන්ට දැනුම් දීමට පියවර ගෙන ඇතැයි වේත්‍රධාරී නරේන්ද්‍ර ප්‍රනාන්දු මහතා පවසයි.

විපක්ෂ නායකවරයාට ආශ්‍රිත වූ මන්ත්‍රීවරුන් සොයා ගැනීම සඳහා පාර්ලිමේන්තුවේ සී සීටීවී කැමරා පද්ධති පරික්ෂා කිරීම ඊයේ ආරම්භ කළ බවද වේත්‍රධාරීවරයා කියයි.

සජිත් ප්‍රේමදාස මහතා පාර්ලිමේන්තු සංකීර්ණයේ ගමන් ගත් ස්ථාන පිළිබඳවද වේත්‍රධාරීවරයාගේ අවධානය යොමු වී ඇත.

සෞඛ්‍ය ආරක්ෂක ක්‍රමවේද අනුව කටයුතු කරන විපක්ෂ නායකවරයාට කොරෝනා වයිරසය ආසාදනය වූයේ කෙසේ දැයි ප්‍රශ්නයක් බවත් පාර්ලිමේන්තුව අසල පැවැති උද්ඝෝෂණ ව්‍යාපාරයේදී ඔහුට වයිරසය ආසාදනය වූවාදැයි සැකයක් මතුව ඇති බවත් පාර්ලිමේන්තු නිලධාරීහු පවසති.

මේ අතර විපක්ෂ නායකවරයාට ආශ්‍රිත වූ සමගි ජන බලවේගයේ මන්ත්‍රීවරුන් පිරිසක් කොරෝනා පරීක්ෂණවලට ඊයේම යොමු වුණු එම පක්ෂ ආරංචි මාර්ගවලින් දැනගන්නට ඇත .

සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජුබර් රහුමාන් මහතාද කොවිඩ් වයිරසය ආසාදනය වීමෙන් කොළඹ පෞද්ගලික රෝහලකට පසුගියදා ඇතුළත් කරනු ලැබීය.

 514 total views,  10 views today

What’s your Reaction?
+1
1
+1
0
+1
0
+1
0
+1
0
+1
0
+1
0

Leave a Reply