වැඩ තහනම් වූ නාකොටික් පොලිස් කොස්තාපල් රාජකාරි සමයේ දී තිබු හැඳුනුම්පත අවභාවිතා කළ හැටි!

පොලිස් මත්ද්‍රව්‍ය කාර්යාංශයේ සේවය අක්‍රිය කරන ලද හිටපු පොලිස් කොස්තාපල් රියදුරෙකු රාජකාරි සමයේ ලබාදී තිබු හැඳුනුම්පත අවභාවිතා කරමින් අලුත්ගම නගරයේ සිට වැලිපැන්න දෙසට බලපත්‍ර නොමැතිව රජයේ අරක්කු බෝතල් 25ක් වෑන් රථයෙන් රැගෙන යමින් සිටියදී දර්ගා නගරය, නාකන්දල ගොඩ ප්‍රදේශයේ දී 21 පස්වරුවේ කළුතර දිසා අපරාධ විමර්ශන ඒකකයේ නිලධාරීන් කණ්ඩායමක් විසින් අත්අඩංගුවට ගෙන තිබෙනවා.

අත්අඩංගුවට සැකකාර පොලිස් කොස්තාපල්වරයා 2019 වසරේ පොලිස් මත්ද්‍රව්‍ය කාර්යාංශයේ සේවය සිටියදී වැඩ තහනම් වී ඇති අයෙකු බවත් එතැන් පටන් විවිධ කටයුතු වලදී සිය රාජකාරී හැඳුනුම්පත ළඟ තබාගෙන මෙවැනි කටයුතු සිදුකර ඇති බව පරීක්ෂණ සිදුකරන පොලිස් නිලධාරීන් සඳහන් කරන්නේ.

සැකකාර හිටපු පොලිස් කොස්තාපල්වරයා බලපත්‍ර නොමැතිව මෙම මත්පැන් බෝතල් රැගෙන යමින් සිට ඇත්තේ සංචරණ සීමා පැනවීමෙන් පසු එම මත්පැන් බෝතල් වැලිපැන්න පොලිස් වසමේ වල ගෙදර ප්‍රදේශයේදී වැඩි මිලට විකිණීමෙ ජාවාරමකට බව පොලිස් නිලධාරීන් අනාවරණය කරගෙන තිබේ.

අත්අඩංගුවට ගත් සැකකාර පොලිස් කොස්තාපල්වරයා සම්බන්ධයෙන් පරීක්ෂණ සිදුකරන උසස් පොලිස් නිලධාරියෙකු සඳහන් කළේ පොලිස් මත්ද්‍රව්‍ය කාර්යාංශයේ හැඳුනුම්පත අවභාවිතා කරමින් කිසියම් නීති විරෝධී ක්‍රියාවන්හි නිරතවී ඇද්දැයි පරීක්ෂණ සිදුකරන බවයි.

සැකකාර පොලිස් කොස්තාපල්වරයා නඩු භාණ්ඩ සමඟ අලුත්ගම පොලිසියට භාරදී අධිකරණයට ඉදිරිපත් කිරීමට නියමිතය.

 428 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply