නව පොලිස් ස්ථාන 190ක් පිහිටුවනවා – මහජන ආරක්ෂක ඇමැති

ශ්‍රී ලංකාව තුළ නව පොලිස් ස්ථාන 190ක් අලුතින් ස්ථාපනය කිරීමට කටයුතු කරන බව මහජන ආරක්ෂක ඇමැති, විශ්‍රාමික රියර් අද්මිරාල්, ආචාර්ය සරත් වීරසේකර මහතා පවසයි.

මේ වන විට ස්ථාපිත කර ඇති පොලිස් ස්ථාන 494ට අමරතව මෙම පොලිස් ස්ථාන 190 ස්ථාපිත කෙරේ.

මෙරට ජනතාවට බියෙන් සැකෙන් තොර සමාජයක් බිහි කිරීම සඳහා නව අදියරක් ලෙස මේ පියවර ගත් බවද ඇමැතිවරයා කියා සිටියේය.

මහජන ආරක්ෂක ඇමැති, විශ්‍රාමික රියර් අද්මිරාල්, ආචාර්ය සරත් වීරසේකර මහතා අයියන්කන්කුලම් නව පොලිස් ස්ථානය විවෘත කිරීමෙන් අනතුරුව මේ බව කියා සිටියේය.

එහි පළමු පොලිස් ස්ථාන දෙක ලෙස මරදන්කේනි හා අයියන්කන්කුලම් උතුරු ප්‍රදේශය ආශ්‍රිතව ස්ථාපිත කෙරේ.

මේ ප්‍රදේශයේ භූමි ප්‍රදේශය අනුව ජනතාවට පොලිසියෙන් ඉටුවිය යුතු රාජකාරි කර ගැනීම සඳහා බොහෝ දුරක් ගමන් කිරීමට සිදු වෙන නිසා අතරමැද මේ වගේ පොලිස් ස්ථාන බිහිකිරිමේ අවශ්‍යතාවය මතු වූ බවත් එමෙන්ම මේ ප්‍රදේශවල වැලි පැටවීම ගස් කැපීම පස් කැපීම ගැන ජනතාව තමන්ව දැනුවත් කළ බවත් ඇමැතිවරයා කියා සිටියේය.

අපේ රටේ පරිසරය ආරක්ෂා කළ යුතු අතර පරිසරය ආරක්ෂා කළේ නැත්නම් මිනිස්සුන්ට ජීවත් වෙන්න හැකියාවක් නැති බවත් පරිසරය විනාශ කරන පුද්ගලයන් අත්අඩංගුවට ගැනීමට කටයුතු කරන බවද කියා සිටියේය.

රැකියා නොමැති වීම මත නීතිවිරෝධී කටයුතු කරන පුද්ගලයන් හට විකල්ප රැකියා ලබා දීමට බලාපොරොත්තු වන බවද කියා සිටි අමාත්‍යවරයා රැකියා ලැබෙන තුරු නීති විරෝධී පරිසර හානි කිරීම් සිදු නොකරන ලෙසත් දැනුම් දුන් වීරසේකර මහතා එවැනි ක්‍රියා සම්බන්ධයෙන් වහා මැදිහත් වීමට නව පොලිස් ස්ථාන පිහිටුවිමෙන් හැකි වන බවත් අවධාරණය කළේය.

 299 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply