පාස්කු බෝම්බ විමර්ශන වාර්තාවෙන් එල්ල වී ඇති චෝදනාවලට එරෙහිව මෛත්‍රී නීති මගට

පාස්කු ඉරිදා මෙරටට එල්ල වූ බෝම්බ ප්‍රහාර සම්බන්ධයෙන් විමර්ශනය කළ ජනාධිපති කොමිෂන් සභා වාර්තාවෙන් එල්ලවී ඇති චෝදනා පිළිබඳ නීති උපදෙස් ලබා ගැනීමට හිටපු ජනාධිපති මෛත්‍රීපාල සිරිසේන මහතා තීරණය කර තිබේ.

ආරංචි මාර්ග වාර්තා කරන ආකාරයට ඉකුත් දින කිහිපයේදී හිටපු ජනාධිපතිවරයා නීතිඥයන් පිරිසක් හමු වී මේ පිළිබඳව ගත යුතු ක්‍රියාමාර්ග සාකච්ඡා කර තිබේ.

අදාල ප්‍රහාරය සම්බන්ධයෙන් එවකට හිටපු ජනාධිපති මෛත්‍රීපාල සිරිසේන මහතාට එරෙහිව සුදුසු විධිවිධාන යටතේ අපරාධ නඩු පැවරීමට පාස්කු කොමිසම විසින් නිර්දේශ කර ඇත.

මෙම ප්‍රහාරය සම්බන්ධයෙන් එවකට හිටපු ජනාධිපති අගමැති ඇතුළු රජයද වගකිව යුතුව ඇතැයි කොමිසන් සභාව නිර්දේශ කර තිබේ.

මේ වන විට එම වාර්තාව නීතිපතිවරයා වෙත ඉදිරිපත් කිරීමට කටයුතු කර තිබේ.

මෙම වාර්තාව ශ්‍රී ලංකා නිදහස් පක්ෂය විසින් ප්‍රතික්ෂේප කර ඇත.

උපුටා ගැනීමකි

 342 total views,  5 views today

What’s your Reaction?
+1
0
+1
0
+1
0
+1
0
+1
0
+1
0
+1
0

Leave a Reply