ANUFOOD Brazil ප්‍රදර්ශනයේ දී ලාංකික සමාගම් වලට ලැබුණු තැන!

ශ්‍රී ලංකා තේ මණ්ඩලයේ සහ ශ්‍රී ලංකා තානාපති කාර්යාලයේ ප්‍රධානත්වයෙන් 2022 අප්‍රේල් 12 සිට 14 යන දිනවල බ්‍රසීලයේ සාඕ පාවුලෝ හි පැවති ANUFOOD Brazil 2022 ප්‍රදර්ශනයට ශ්‍රී ලංකාවේ තේ අපනයනකරුවන් සිව් දෙනෙකු වන එම්/එස්. ඉම්පීරියල් ටී (පුද්) සමාගම, එම්/එස්. මෝල්ට්රාස් ඉන්ටර්නැෂනල් (පුද්) සමාගම, එම්/එස්. බැසිලර් ටී (පුද්) සමාගම සහ එම්/එස්. ටී ටෝක් (පුද්) සමාගම සහභාගී විය.

ANUFOOD Brazil ප්‍රදර්ශනය බ්‍රසීලයේ වාර්ෂිකව පැවැත්වෙන ප්‍රමුඛතම ආහාර පාන ප්‍රදර්ශනවලින් එකකි. ANUFOOD 2022 සඳහා සහභාගී වූ රටවල් 19 අතරට ශ්‍රී ලංකාව ද ඇතුළත් විය. බ්‍රසීලියානු සන්නාම සහ ජාත්‍යන්තර සන්නාම 900කට අධික ප්‍රමාණයක් මෙහිදී ප්‍රදර්ශනය කරන ලදි. තොග වෙළෙන්දන් සහ බෙදාහරින්නන්, සුපිරි වෙළඳසැල්, පහසුදායී වෙළඳසැල් සහ ආහාර පාන කර්මාන්තයේ නියෝජිතයෝ මෙම ප්‍රදර්ශනය නැරඹීමට පැමිණියහ.

ශ්‍රී ලංකාවේ සමාගම්වලට මෙහිදී සතුටුදායක ආකාරයේ ඇණවුම් සහ ව්‍යාපාරාන්තර රැස්වීම් හිමි විය. අමාත්‍ය උපදේශක (වාණිජ්‍ය) සීවලී විජේවන්ත මහත්මියගේ මගපෙන්වීම යටතේ, ශ්‍රී ලංකා තානාපති කාර්යාලය මගින් ශ්‍රී ලංකාවේ සහභාගීත්වය සඳහා පහසුකම් සපයන ලදි.

Leave a Reply

Your email address will not be published.