Noize News 

ඌවතැන්නේ සුමන හිමියන්ව නිදහස කළේ මගේ ඉල්ලීමක් නිසා – ඩයනා ගමගේ කියයි

ජීවිතාන්තය දක්වා සිර දඬුවම් නියමව තිබූ පූජ්‍ය ඌවතැන්නේ සුමන හිමියන් ඊයේ (03) ජනාධිපති සමාව යටතේ නිදහස් කෙරුණා.

මේ පසුපස ඉන්නේ තමන් බව සමගි ජන බලවේගය පාර්ලිමේන්තු මන්ත්‍රී ඩයනා ගමගේ මහත්මිය පවසයි.

2010 වසරේ දී ෆොන්සේකා මහතාගේ ජනාධිපතිවරණයෙන් වෙනුවෙන් විශාල කැප කිරීමක් කළ උන් වහන්සේට යම් සිදුවීමක් නිසා සිරගත වීමට සිදු වූ බවද පවසන ඇය උන්වහන්සේගේ මෑණියන් මෙම සිදුවීමෙන් දැඩි ලෙස අසරණ වූ බව ද තමන් හමුවීමට පැමිණ හඬා වැලපුණු බව ද ඇය සඳහන් කරයි.

එනිසා මේ සම්බන්ධයෙන් ලිඛිත ඉල්ලීමක් අග්‍රාමාත්‍ය මහින්ද රාජපක්ෂ මහතා වෙත භාරදුන් බවත් ඉන් පසු ජනාධිපතිවරයා සමග සාකච්ඡා කළ බවත් ඇය කියා සිටියි.

ඒ අනුව ජනාධිපති සමාව යටතේ උන්වහන්සේ නිදහස් වූ බවද මේ සම්බන්ධයෙන් මැදිහත් වූ සියලු පාර්ශ්වයන්ට පින් දෙන බවද ඇය කියා සිටියාය.

Related posts

Leave a Comment