Noize News 

”19 අහෝසි කිරීමේ අරමුණින් ගේන 20 ට හෘද සාක්ෂියකට එකඟව පක්ෂ වෙන්න බෑ”- මෛත්‍රී

හෘදසාක්ෂියකට එකඟව තමන්ට 20 වැනි සංශෝධනය සඳහා පක්ෂ විය නොහැකි බව පවසමින් හිටපු ජනාධිපති මෛත්‍රීපාල සිරිසේන මහතා වත්මන් ජනාධිපති ගෝඨාභය රාජපක්ෂ මහතා වෙත ලිපියක් යොමුකරමින් 20 වැනි ආණ්ඩුක්‍රම ව්‍යවස්ථා සංශෝධන‍ය සම්බන්ධයෙන් සිය ස්ථාවරය පිළිබඳ පැහැදිලි කර තිබෙනවා.

තමා 19 වැනි සංශෝධනය ගෙනඒම සඳහා මූලිකත්වය ගත් පුද්ගලයෙකු බැවින් තමාගේ මූලිකත්වයෙන් ගෙනා 19 වැනි සංශෝධනය අහෝසි කිරීමේ අරමුණින් ඉදිරිපත් කර ඇති 20 වැනි සංශෝධනය සඳහා පක්ෂ විය නොහැකි බවයි හිටපු ජනාධිපතිවරයා පවසයි.

එය සිය හෘදසාක්ෂියට එරෙහිව යාමක් බවත්, එබැවින් කුමන හේතුවක් මත හෝ තමාට 20 වැනි සංශෝධනය සඳහා පක්ෂ විය නොහැකි බවත් ඔහු සඳහන් කරයි.

ආණ්ඩුවේ මන්ත්‍රී කණ්ඩායමේ සාමූහික වගකීම කඩ කිරීමට සිදුවීම සම්බන්ධයෙන් කණගාටුවට පත්වන බවද හිටපු ජනාධිපතිවරයා දන්වා තිබෙනවා.

ශ්‍රීලනිපයේ සාමාජිකත්ව දරන සෙසු පාර්ලිමේන්තු මන්ත්‍රීවරුන් සම්බන්ධයෙන් වගකීමක් ගැනීමට හෝ සහතිකයක් ලබාදීමට නොහැකි බවත් ඔවුන්ගෙන් බහුතරයක් තනතුරු වරප්‍රසාද වෙනුවෙන් ඕනෑම තීරණයක් ගන්නා පුද්ගලයන් බැවින් 20 වැනි සංශෝධනය සම්බන්ධයෙන් ඔවුන්ගේ ස්ථාවරය පිළිබඳව තමාට වගකීමක් ගත නොහැකි බවත් සිරිසේන මහතා පවසයි.

Related posts

Leave a Comment