Noize News 

මෛත‍්‍රී වෙනුවෙන් නිවේදනය නිසා පුද්ගලික ලේකම් අමාරුවේ – වහාම කොමිසමට කැදවයි!

හිටපු ජනාධිපති මෛත්‍රීපාල සිරිසේන මහතාගේ පෞද්ගලික ලේකම් වරයාට පාස්කු ප්‍රහාරය සම්බන්ධයෙන් විමර්ශනය කරන කොමිසම හමුවේ පෙනී සිටින ලෙස නියෝග කර තිබේ.

ඒ අනුව අද පස්වරු 02.00ට ඔහු නීතිඥයෙකු මාර්ගයෙන් හෝ පෞද්ගලිකව කොමිසම හමුවේ පෙනී සිටිය යුතු බව දන්වා ඇත.

එමෙන්ම අගරදගුරුතුමන් වෙනුවෙන් මාධ්‍ය නිවේදනයක් නිකුත් කළ රදගුරුතුමන්ලා තිදෙනාටද කොමිසම හමුවේ පෙනී සිටින ලෙස දැනුම් දී තිබේ.

හිටපු ආරක්ෂක ලේකම් හේමසිරි ප‍්‍රනාන්දු මහතා කොමිසම හමුවේ ලබාදුන් සාක්ෂි අසත්‍ය බව පවසමින් හිටපු ජනාධිපතිවරයාගේ පෞද්ගලික ලේකම්වරයා මාධ්‍ය නිවේදනයක් නිකුත් කර තිබිණි.

ඊට විරෝධය පළ කරමින් හිටපු ආරක්ෂක වරයාගේ නීතිඥවරයා කියා සිටියේ මෙම නිවේදනය නිසා තම සේවාදායකයා තැති ගැන්මකට හා බියට පත්ව සිටින බවයි.

එම නිවේදනය අධිකරණයට අපහාස කිරීමක් සේ සලකා කටයුතු කරන ලෙසද ඔහු ඉල්ලා සිටියේය.

Related posts

Leave a Comment