“මිනිස්සුන්ට කන්න නෑ,රටට ඩොලර් නෑ” අමරවීරගෙන් කෘෂිකර්මෙට ටැබ් 7000ක්?

රට දැවැන්ත අර්බුදයකට ලක්ව තිබියදී කෘෂිකර්ම අමාත්‍යාංශය ටැබ් යන්ත්‍ර 7000 ක් මිලදී ගැනීමට ටෙන්ඩර් කැඳවා ඇතැයි ජාතික ගොවිජන එකමුතුවේ
සභාපති අනුරාධ තෙන්නකකෝන් මහතා පැවසීය.

බොරැල්ල, ඇන්. ඇම්. පෙරේරා කේන්ද්‍රයේදී ඊයේ පැවැති මාධ්‍ය හමුවකදී ඔහු මේ බව පැවසුවේය.

මෙම ටැබ් යන්ත්‍ර මිලදී ගැනීමට අදාළව ඉකුත් මාර්තු 21වැනිදා ජාතික පුවත්පත්වල දැන්වීමක්ද පළ කර ඇති අතර ප්‍රසම්පාදන ක්‍රියාවලිය ලබන ජුලි මස 11වැනිදා අවසන් කිරීමට නියමිත බවද අදාළ දැන්වීමේ සඳහන් කර තිබේ.

ටැබ් යන්ත්‍ර මිලදී ගැනීමට වැය කිරීමට නියමිත සම්පූර්ණ මුදල රු. කෝටි 5කි.

කෘෂි කර්ම අමාත්‍යාංශයල කෘෂි කර්ම දෙපාර්තමේන්තුව සහ පළාත් කෘෂිකර්ම අමාත්‍යාංශ සුදු අලි වැනි යැයිද, රටේ කෘෂි කර්ම පර්යේෂණ හා නිෂ්පාදන සහකාරවරුන් දස දහසක් පමණ සිටියද ඔවුන්ගෙන් බහුතරයක් වැඩ නොකර රජයෙන් වැටුප් ලබා ගන්නා බවද මෙහිදී සභාපතිවරයා කීවේය.

කෘෂිකර්ම අධ්‍යක්ෂවරුන්ට ඉන්ධන දීමනා ආදිය ලබා දුන්නත්, එම ඉන්ධන යොදාගෙන ඔවුන්ගේ ඥාතීන් තම තමන්ගේ ගමන් බිමන් යන බවත්ල ඇතැම් කෘෂිකර්ම උපදේශකවරුන්ගේ පවුල්වල සාමාජිකයන්ට බීජ සහනාධාරය ලබාදී ඇතැයිද ඔහු සඳහන් කළේය.

කෘෂිකර්ම දෙපාර්තමේන්තුවට අයත් බිඳුණුවැව ගොවිපොළේ අක්කර 30 ක් පැවතියත්ල එහි ඇති කරන්නේ කුකුළන් 29 ක් පමණක් බවත් එහි සේවකයන් විසි ගණනක් සිටින බවද අනුරාධ තෙන්නකෝන් කීවේය.

Leave a Reply

Your email address will not be published.